Wednesday, March 18, 2009

சாட்சியாக..

நேற்றைக்கு போல்
இருப்பதில்லை
இன்றைக்கு

அதிகாலை வானமும்
பள்ளிக்குச் செல்லும்
பிள்ளையின் முகமும்
வாசல் முருங்கை மரமும்
மாரியம்மன் ஆலயமும்
பூக்காரியும்
மல்லிகைப் பூக்களும்
அந்தக் கவிதையின் வரியும்
நானும்
அவர்களும்
எல்லோரும்
எல்லாமும்
உருவாக்குதலோ
உருமாற்றுதலோ

காலக்கடவுளின்
சாட்சியாக...

No comments:

Subscribe to: Post Comments (Atom)

பிடித்த வரிகள்......

உணவுச் சங்கிலி

நுகர்வோர் சந்தை சம்சாரி நிலம் , நீர் ,தாவரங்கள்

உணவுச்சங்கிலிகள் மாற்றத்தை சந்தித்தவண்ணம் உள்ளன

சங்கிலியின் கண்ணிகள் ஒன்றையொன்று சார்ந்தவை

இதையறியாமல் மாறி வரும் காலம்

கண்ணிகளை அறுத்து விளையாடுகிறது

காற்றாலைக்காரனுக்கு நிலத்தை விற்ற சம்சாரி

இரவில் திடுக்கிட்டு விழித்து பெட்டியிலிருக்கும்

பணத்தை எண்ணிக் கொண்டிருக்கிறான்

அவனையுமறியாமல் அவன் கால்கள்

நிலத்தை நோக்கி நடக்கின்றன

நிலவொளியில் காற்றலை

சுழலும் மூன்று இறக்கைகள்

ஒன்றில் தாவரங்கள்

மற்றொன்றில் சம்சாரி

இன்னொன்றில் நுகர்வோர்

பிடிக்கவே முடியாமல்

துரத்திக் கொண்டிருக்கச் செய்கின்றன

கர்ப்பொரெட் நிறுவனகள்.

பாம்பாட்டிச் சித்தன்

(கல்குதிரை)