Sunday, September 6, 2009

சபிக்கும் கணங்கள்

தலைக்குள் புகுந்து
சவப்பெட்டிக்கு
ஆணியடித்துக் கொண்டிருந்தான்

கண்களில், நாசியில்
நீர்வழிய
அவ்வப்போது கண்திறந்து வழிபார்த்து
அவசரமாக அறைக்கு
விரைகிறேன்

கருவில் இருக்கும்
குழந்தையென
சுருண்டு தூங்கிக்கொண்டிருக்கிறது
ஒரு வெள்ளைப் பூணை
வாசல் படியில்

இப்பொழுது
சபிக்கத் தொடங்குகிறேன்
எல்லோரையும்
கடவுள் உட்பட.

Subscribe to: Comments (Atom)

பிடித்த வரிகள்......

உணவுச் சங்கிலி

நுகர்வோர் சந்தை சம்சாரி நிலம் , நீர் ,தாவரங்கள்

உணவுச்சங்கிலிகள் மாற்றத்தை சந்தித்தவண்ணம் உள்ளன

சங்கிலியின் கண்ணிகள் ஒன்றையொன்று சார்ந்தவை

இதையறியாமல் மாறி வரும் காலம்

கண்ணிகளை அறுத்து விளையாடுகிறது

காற்றாலைக்காரனுக்கு நிலத்தை விற்ற சம்சாரி

இரவில் திடுக்கிட்டு விழித்து பெட்டியிலிருக்கும்

பணத்தை எண்ணிக் கொண்டிருக்கிறான்

அவனையுமறியாமல் அவன் கால்கள்

நிலத்தை நோக்கி நடக்கின்றன

நிலவொளியில் காற்றலை

சுழலும் மூன்று இறக்கைகள்

ஒன்றில் தாவரங்கள்

மற்றொன்றில் சம்சாரி

இன்னொன்றில் நுகர்வோர்

பிடிக்கவே முடியாமல்

துரத்திக் கொண்டிருக்கச் செய்கின்றன

கர்ப்பொரெட் நிறுவனகள்.

பாம்பாட்டிச் சித்தன்

(கல்குதிரை)