Friday, March 8, 2013

அந்தக் கோடை
மிகவும் மோசமானதாக இருந்தது

எனது
நீரை முற்றிலுமாக உறிஞ்சியது

எனது
உணவுகளை களவாடியது

எனது
ஆடைகளை , கூடாரங்களை எரித்தது

எனது
தலையைப் பற்றி இழுத்தன
இறப்பின் அருவருப்பான கைகள்

எனது
ஆன்மா உயிர்ப்பின்
பாடலொன்றை முணுமுணுத்தது

எனது
பரிசுத்தமான காதலின்
உயிர்த் துளியை
உன் மீது வீசினேன்

மழை மேகங்களைத் தந்தாய்

எனது
பிரபஞ்சத்தை
நானே உருவாக்கினேன்

நான்
மீண்டு வந்தேனா?
அல்லது
காலத்தின் கருணையா?

பிடித்த வரிகள்......

நுகர்வோர் சந்தை சம்சாரி நிலம் , நீர் ,தாவரங்கள்

உணவுச்சங்கிலிகள் மாற்றத்தை சந்தித்தவண்ணம் உள்ளன

சங்கிலியின் கண்ணிகள் ஒன்றையொன்று சார்ந்தவை

இதையறியாமல் மாறி வரும் காலம்

கண்ணிகளை அறுத்து விளையாடுகிறது

காற்றாலைக்காரனுக்கு நிலத்தை விற்ற சம்சாரி

இரவில் திடுக்கிட்டு விழித்து பெட்டியிலிருக்கும்

பணத்தை எண்ணிக் கொண்டிருக்கிறான்

அவனையுமறியாமல் அவன் கால்கள்

நிலத்தை நோக்கி நடக்கின்றன

நிலவொளியில் காற்றலை

சுழலும் மூன்று இறக்கைகள்

ஒன்றில் தாவரங்கள்

மற்றொன்றில் சம்சாரி

இன்னொன்றில் நுகர்வோர்

பிடிக்கவே முடியாமல்

துரத்திக் கொண்டிருக்கச் செய்கின்றன

கர்ப்பொரெட் நிறுவனகள்.

பாம்பாட்டிச் சித்தன்

(கல்குதிரை)