Thursday, April 2, 2009

அமிலத்திற்கு
ஒப்பானது
துக்கம்

குவளையில்
சிறு சிறு
துளிகளாக

அன்பின் குளுமை
தணிக்கிறது

நேசம் தொலைத்த
பொழுதுகளில்
குவளை முழுவதும்
நிரம்புகிறது அமிலம்

உஷ்ணம் தாளாமல்
உடல் பிரியும் உயிர்
பிறகு
வைகுண்டம் சேர்க்கிறது

அமிலம்மின்றி
ஏது பூரணம் .

பிடித்த வரிகள்......

நுகர்வோர் சந்தை சம்சாரி நிலம் , நீர் ,தாவரங்கள்

உணவுச்சங்கிலிகள் மாற்றத்தை சந்தித்தவண்ணம் உள்ளன

சங்கிலியின் கண்ணிகள் ஒன்றையொன்று சார்ந்தவை

இதையறியாமல் மாறி வரும் காலம்

கண்ணிகளை அறுத்து விளையாடுகிறது

காற்றாலைக்காரனுக்கு நிலத்தை விற்ற சம்சாரி

இரவில் திடுக்கிட்டு விழித்து பெட்டியிலிருக்கும்

பணத்தை எண்ணிக் கொண்டிருக்கிறான்

அவனையுமறியாமல் அவன் கால்கள்

நிலத்தை நோக்கி நடக்கின்றன

நிலவொளியில் காற்றலை

சுழலும் மூன்று இறக்கைகள்

ஒன்றில் தாவரங்கள்

மற்றொன்றில் சம்சாரி

இன்னொன்றில் நுகர்வோர்

பிடிக்கவே முடியாமல்

துரத்திக் கொண்டிருக்கச் செய்கின்றன

கர்ப்பொரெட் நிறுவனகள்.

பாம்பாட்டிச் சித்தன்

(கல்குதிரை)