Saturday, April 13, 2013

உண்டல்லவே

தெளிவாக தெரியத்துவங்கியது
கட்டங்கள்

அவர்கள்
விட்டுச்சென்ற அதே
நிலையில்

அருவாளோடு
துடியான சாமிவந்தாடும்
பெரிய வெள்ளை மீசைக்காரருக்கு
பதிலாக நீ

மேய்ப்பர் அற்ற
உனது இரைக்குப் பதிலாக
நான்

உனது பாய்ச்சலில்
சிக்கிக்கொள்ளாத
சாதுர்யமான எனது நகர்தல்
ஆச்சர்யமாய் இருக்கிறது

உயிரின் பிரியம் யாவருக்கும்
உண்டல்லவா?

2 comments:

திண்டுக்கல் தனபாலன் said...: அதெல்லவோ உண்மை...; April 13, 2013 at 1:13 PM
Anonymous said...: This comment has been removed by a blog administrator.; April 14, 2013 at 1:46 PM

Subscribe to: Post Comments (Atom)

பிடித்த வரிகள்......

உணவுச் சங்கிலி

நுகர்வோர் சந்தை சம்சாரி நிலம் , நீர் ,தாவரங்கள்

உணவுச்சங்கிலிகள் மாற்றத்தை சந்தித்தவண்ணம் உள்ளன

சங்கிலியின் கண்ணிகள் ஒன்றையொன்று சார்ந்தவை

இதையறியாமல் மாறி வரும் காலம்

கண்ணிகளை அறுத்து விளையாடுகிறது

காற்றாலைக்காரனுக்கு நிலத்தை விற்ற சம்சாரி

இரவில் திடுக்கிட்டு விழித்து பெட்டியிலிருக்கும்

பணத்தை எண்ணிக் கொண்டிருக்கிறான்

அவனையுமறியாமல் அவன் கால்கள்

நிலத்தை நோக்கி நடக்கின்றன

நிலவொளியில் காற்றலை

சுழலும் மூன்று இறக்கைகள்

ஒன்றில் தாவரங்கள்

மற்றொன்றில் சம்சாரி

இன்னொன்றில் நுகர்வோர்

பிடிக்கவே முடியாமல்

துரத்திக் கொண்டிருக்கச் செய்கின்றன

கர்ப்பொரெட் நிறுவனகள்.

பாம்பாட்டிச் சித்தன்

(கல்குதிரை)